السلام عليكم ورحمة الله وبركاته
هذي قصة شاب ساكن جنب ]مدرسة ابتدآئيه بنات ( شوفو الازعاج كيف )..
تدور أحداث القصه قبل بضع سنوات وبضع ايام وبضع ليالي يوم اني اضطريت اني ادور سكن وبعد كرف وتعب..
دخلت الشقه وانا مزهو بنشوة الأقحوان والعنادل ترقص في فضاء الشفق وهي تغني سكري يا ورده فتحي يا ورده
و انا مبسوط قاعد اغني>>>> نشوف وش راح ينتظرك
لين ما اشرق الفجر
و بعد سبع دقايق من وضع راسي على المخده ، كنت على موعد مع الكارثه المأساويه
قمت مفزوع ، وشذا يا عيال زلزال ركزت شوي و اذا والله الدعوه
طلعت النشيد الوطني بصوت بزران >>> لاعاد وهم متحمسين ..
ابتدائية البنات اللي جنبي
لا حوووووول ، قلت يا ولد خلك انت الكبير و اصبر لين يقضي الطابور وكل بزر يذلف على فصله
لكن هذا كله تسخين هههههههههههههه لان الوناسه بدت يوم دخلوا البزران الفصل المقابل لغرفتي
يا ربي وش سويت بدنياتي
تصدقون
انا لي عشرين سنه وانا ادرس ما حفظت سارعي الا يوم سكنت بالشقه
و ياليتها جت على سارعي ، حفظت كرتي كرتي ما أحلاها ، و هري يلعب فوق السطحي
بس ما انجن وتفلت أعصابي ألا اذا دخلت أبله منيره فصل ثاني جيم
( اللي هو الفصل اللي جنب غرفتي ) ييوه وش بيصير اجل ...
لأن ابله منيره تعشق الزعاق عشق جنوني و هذا يعطي البنات دفعه معنويه فيصيرون يزاعقون
اشنع من أي وقت مضى هذا بالأضافه لأن ابله منيره تخلي البنت تعيد النشيد من أول اذا اخطت
بعد السنه الأولى تأزم الوضع
لأن اول كانت ابله منيره تسيير على الفصل في اليوم حصه و لا اثنين
الحين الأبله صارت المشرفه على الفصل و مبلطه كل الوقت وداقة لها خيمة بوسط الفصل>>> صار ازعاج اكبر ..
في السنه الثانيه صار عندي تبلد حسي خصوصا بعد ما بديت استخدم سدادات الأذن
وصار عندي شعور غبي هو اني حسيت اني ساقط وعايد ثاني ابتدائي
( طيب على الأقل غيروا و حطو جنبي ثالث)
لكن في السنه الثالثه بديت ادخل جو صراحه
( الشكوى لله ) >>>تعود على الوضع هههه
وصار عادي انك تشوفني ماشي في الشارع وانا اغني
في مدرستي دار الحب ..... العب اجري انا وصحبي>>> حافظه العم ههههه
لا وتدرون متى اكيف الى منه دخلت ابله منيره الفصل وقالت
السلام عليكم
عاد ارد انا مع البنات ونقول وعليكم السلام ورحمة الله وبركاته <== بصوت عالي متحمسين ههههههههههه
كيف حالكم يابنات
بخير مادمنا شفنا خشتك
الين جا ذاك اليوم الأغبر
( مثل باقي الأيام اللي راحت )
وكنت ابحتفل بمناسبه حلوه وراجع الشقه بدري و انا مبسوط
دخلت الشقه واناظر الساعه وتطلع عشر قلت زين البنات الحين عندهم تربيه فنيه ونازلين تحت ـ ( حافظ جدولهم ) هههههههه
و الله و اشغل [ المسجــل] وافتح الدريشه لان الجو كان حلو و دخلت اتروش و اتزبط
المهم بعد فتره
سمعت جرس الباب ، استغربت منذا اللي جاي هالحزه ، فتحت الباب وانا لابس الفوطه واخرخر مويه
و اذا والله فراش المدرسه و معه ورقه ومدها لي
اناظر الورقه وطلع محتواها
: أخي الفاضل الرجاء التكرم بخفض الصوت مراعاة للطالبات في المدرسه اللي جنبك وشكرا
