عدد المساهمات : 279 السٌّمعَة : 1 تاريخ التسجيل : 29/01/2013
موضوع: تجربتي الشخصية مع عملية تصحيح النظر الخميس يناير 31, 2013 5:58 am
مساءكم \ صباحكم خير شخباركم ؟
من فترة كتبت موضوع استفسر عن عملية تصحيح النظر لان كنت ناوية اسويها ومالقيت التفاعل التام .. المهم قلت بكتب تجربتي علشان تستفيدون وخصوصا بنات البحرين . .
بعد المشاورات والسؤال استقرينا على الدكتورة " ابتسام العلوي " والحمدلله الاختيار في مكانه سعر العملية الاصلي 600 دينار - بس لان وياي اختي صارت العملية بـ 500 دينار شامل للغحص " 50 " + العملية " 450 " تاريخ 9 سوينا الفخوصات بره في مركز كانو وبعد مااتاكدنا من حالة القرنية وباقي الفخوصات رزنا العيادة تاريخ 10 - 6 وسوينا الفحوصات وهذي الفخوصات اهم لان تتحدد الاشعة والمدة حسب مافهمت من مساعد الدكتورة طبعا الفخوصات كلها عادية بس اللي خوفني " << خوافة " لما اخذ الضغط للعين " اول يدفع هوا عالعين وبعدين بخدر العين بالقطور وفي شي شبيه للكهربا يدخلونه بالعين بس اهو ترى كلش ما يخوف ولا حتى تحسين فيه وبعدها دخلنا على الدكتورة شرحت الممنوعات في الاربع الايام الاولى : المكياج + البخور والعطورات والروائح من ديتول ومبيض الخ ,, + الاستحمام وغسل الشعر بالشامبو وطبعا لازم نلبس النظارة الشمسية خلال الاربع في البيت وبره وبعد الاربع الايام بس بره وفي نقطة مهمة ان لازم العدسات ما نلبسها لمدة لاتقل عن اسبوع قبل العملية
اقترحت عليي العملتين الليزك والانتراليزك لان سمك القرنية عندي اوكي بس بما اني اخاف استبعدت عملية الليزك اللي يكون فيها قطع واختارت العملية الثانية اللي راح يكون تنطيف من فوق بس
" يوم العملية الاثنين 14 - 6 - 2010 "
كان هاليوم حده عصيب كنت خايفة حدي خخخ وكنت ابي خطيبي يدخل وياي العملية بس مايصير .. مع ان العملية كلش سهلة المهم اول شي دخلت اختي وماشاء الله بسرعة خلصت في هالوقت كانت الممرضة تقطرني وبعدها دخلت غرفة العمليات واذيت الدكتورة كل شوي اتحرك بس اهي حبوبة وكانت تهديني وفي نفس الوقت تشجعني العملية كانت عبارة عن تنظيف العدسة من فوق وبعدين وجهت اشعة على كل عين وبالاخير حطت ليي عدسة علشان تغطي عالجرح .. واول ماطلعت من العملية كنت حدي مستانسة لان كنت اشوف كل شي واضح عطتنا قطورين واحد مضاد والثاني مرطب اول اسيوع اربع مرات في البوم والثاني 3 مرات في والثالث مرتين والرابع بس مرة
الاربع الايام الاولى كانت عصيبة وكان عندي الم مثل ماقالت الدكتورة فـكنت على طول اشرب بندول وانام والحمدلله عدت هالايام على خير .. رابع يوم كان عندي موعد عند دكتورة علشان تشيل العدسة للاسف ماالتأم الجرح علشان جذي تميت لليوم السادس لما التأم الجرح والحمدلله اللي انعم علي بهذي النعمة ان شاء الله تكونون استفدتون وماكون عورت راسكم بالهدرة ولا تنسون التقييم
اشوفكم على خير
???? زائر
موضوع: رد: تجربتي الشخصية مع عملية تصحيح النظر الجمعة فبراير 08, 2013 1:51 pm
شكرا حبوبتي تسلم الايادي
ÂÝÃ ȘŤǺŖ مشرفهـ
أحب لونَ ,, : مـزآجِي .. : عدد المساهمات : 771 السٌّمعَة : 1 تاريخ التسجيل : 28/01/2013 العمر : 26 الموقع : https://mmlktbanat.banouta.net/
موضوع: رد: تجربتي الشخصية مع عملية تصحيح النظر الجمعة يوليو 26, 2013 12:50 pm
استقرينا على الدكتورة " ابتسام العلوي " والحمدلله الاختيار في مكانه 
كنت خايفة حدي خخخ وكنت ابي خطيبي يدخل وياي العملية بس مايصير .. مع ان العملية كلش سهلة 
اول شي دخلت اختي وماشاء الله بسرعة خلصت في هالوقت كانت الممرضة تقطرني وبعدها دخلت غرفة العمليات واذيت الدكتورة كل شوي اتحرك بس اهي حبوبة وكانت تهديني وفي نفس الوقت تشجعني 
أحب لونَ ,,
مـزآجِي ..